Wajud

Kbhi sochti hu ki mai kaun hu,mera wajud hai kya,
Ye ruh hai meri ya jism hai mera,ya dono ka milan hai wajud mera.

Tanhai me baith ker ;palko ko sehla  ker; jab  jhankiti hu apne bhitar ;tab samajh me aata hai ki ;ye do no to  hain  premi koi,

Ishk hai inka  gehra itna ki lafz hi nahi,
dhoodne se bhi koi aur ashik honge nahi.

Jab tak shath hai ,ye din aur rat hai,
Zindgi ke har pal ye sath hai.

Bichhadne ka dar hai inme itna,
Ki ek dusre se alag  ho jate fanna.

Mera hona hi ;inki prem kahani ka saksh hai,
Mera wajood hi ; inka prem-stambh hai.

Ham mishal dete hai mohabat ke kaii;
per kya ham hi ek mohabat ki mishal to nahi....

Ek kala

Ek kala thi ,kahi door kone me padi thi.
Dabi -kuchli andhere se ghiri ,apne wajud
se anjan,zindgi ki mar se kahi door thithuri sehmi khadi thi.

Ek ragir ne aise hi jane anjane me use awaz di ,
sunker us ahat ko wo ghabrai si ;sahmai si ;nikalkar bahar ayee ,
aur apne ladkhadate kapkapte hotho se budbudai,

sun ker uske lafj rahagir stabdh ho gaya aur soch me pad gaya ,
ki  kanha per chupi thi kala jise kisi aur ne kabhi nahi padha.

Fir soch me pada,ki..…......

kya mai hi hu iska janm data ya fir hu bas khuda ka ek ishara.

Wo tha ek parkhi , jise banna tha bhagirath ,
Bas pat kholne the us andheri gufa ke,aur
Kheechna tha use bahar,

Wo to ker gaya apne hisse kam,
Bus us kala ko ab nikharna hai tha baki

Aur wo chal di us rah..........

Ek sham thi

Ek sham thi ;chilmilati Dhoop ke bad thi,
jisme narmi  thi;jaise maa ke anchal me
 chhipker dharti Ko Nihar rahi,
  wo uski ada behad khoobsurat thi.

mai rikshe me thi;ghar ki oor thi ,
Thaki ,shant , rikshe ke samne niharti.
Apni uljhano Ko dharti uthati,
 Aur unme fasti ja  rahi thi;

fir  achanak nezre dai padi; fir bai,
Dekha ki saath mere thi gadiya kai,
Ek dusre se age nikalti gai.
Sab ko andekha kerti hue,
bas age aur age badti gai.
Sab Ko Lal batti Ko par kerna tha,
Us hod me age aur age badna tha.

Maine socha....

 hamari zindagi bhi to ek batti se dusri batti tak hai.
Daudte sab yaha; kuchh age Nikal jate ,
kuchh Wahi thehar jate,intezar karte,
Kuchh khud Ko koste,kuchh batti Ko,
,kuchh kisi ke aage badne ko,

kuchh na kuchh chalta sabke man me,
Nahi chahta thahrna koi,
Bas manjil ki bhukh hai sab me.
Bas badhne ka junun hai sab me.

Kuchh adheer  hokar ,
Bina soche  Bina samjhe,Bas Nikal padte hai;
Bach gai to;Doosri batti ki oor chal padte hai,
 nahi to bas wahi akhri manzil ban jati hai.

Aj man udas hai

Aaj man udas hai,dil me kitni bhadas hai.

Kahi chhipi  peer hai,jhatpatati si tees hai.

Aisa tabhi hota hai ;jab dil me dard  hota hai,

Man ashant hota hai;uljhano ka ambar hota hai.


Ye tabhi hota hai jab koi bat dil manta nahi,mashtiksh sweekarta  nahi.


Kyo bandhe aise bandhano me;Jaha ishk nahi,parwah nahi,Sath rehkar bhi apnapan nahi,

Koi kaise itna bedard beparwah ho jata hai,

Itna swarthi sankuchit kathor ho jata hai,

Kosna bas kosna fir khamiyo ke samundar me dubo dena,aur tab tak dubaye rahna

Jab tak antim saans ka nata sharir se na chhut jai.

Kya yahi astitv hai ,ya bas shrap hai koi,

Ya apne astitv  ko hi bhula de koi,


Fir khud ko khud se itna juda ker de ,

ki jab khud ko dhodho to bas thandi rakh  mile,

Jisme na koi jazbat baki na jeene ka umang.

Na koi josh baki na jindgi ka tarang.


Kya yahi  zindgi hai; ya khuda ka farman,

Jo deta  aisi zindgi,wo jee ker bhi dekhe zara.

Shayad tab samjhe is dard  ko; firkam ker de is gam ko,


Bas ab teri hi aas hai..........

Kashmakash

Zindagi ki kashmakash me fasti jaa rahi hu
Mai gehri aur gehri dhasti jaa rahi hu,

Samajh aata nahi duniya besamjh hai kyu
Kyo kisi ka visvas itna fika,ki ek lahar mita jata.

Zindagi khojte, per jo pass hai wo dikhta nahi
Khoj rahti umra bhar jo hai use sweekarta nahi

Bekadri  kar ,izzat utaar ,chhod dete hain hasne ko.
Samajhte nahi dard ko,bas chhod dete
Sehne ko.

Kabhi use samhal ker ,sahaj ker rakhha nahi
To kis haq se haq samajhte hai us per

Pehle insan ko samjho,uske pyar ko samjho,baki sab to hai umra bhar

Kahi ek galti se na ho jaye koi itna juda,
 ki dhundne  per bhi na mile uska nisssa.
 Bas  fir yade  reh jaye
Aur.......kone me padi wo uski dhul khati tasweer hi reh jaye.